38. ກອງປະຊຸມ ສຳມະນາວິທະຍາສາດລະດັບຊາດ ເພື່ອລະນຶກວັນເກີດ ປະທານ ຄຳໄຕ ສີພັນດອນ ຄົບຮອບ 100 ປີ

ລາຍລະອຽດ

ສ້າງຂື້ນເມື່ອ ວັນສຸກ, 08 ທັນວາ 2023 04:39

ຂຽນໂດຍ ອານຸສັກ

ກອງປະຊຸມ ສຳມະນາວິທະຍາສາດລະດັບຊາດ ເພື່ອລະນຶກວັນເກີດ ປະທານ ຄຳໄຕ ສີພັນດອນ ຄົບຮອບ 100 ປີ (ວັນທີ 8 ກຸມພາ 1924 ຫາ ວັນທີ 8 ກຸມພາ 2024)

     ວັນທີ 7 ທັນວາ 2023 ຢູ່ທີຫ້ອງປະຊຸມຫໍແກ້ວ ແຂວງຫົວພັນໄດ້ ກອງປະຊຸມ ສຳມະນາວິທະຍາສາດລະດັບຊາດ ເພື່ອລະນຶກວັນເກີດ ປະທານ ຄຳໄຕ ສີພັນດອນ ຄົບຮອບ 100 ປີ ໃຫ້ກຽດເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ, ສະຫາຍ ຄຳພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ , ສະຫາຍ ຄຳແພງ ໄຊສົມແພງ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫົວພັນ, ມີບັນດາສະຫາຍການນຳພັກ-ລັດ ຂັ້ນສູນກາງ, ບັນດາແຂວງອ້ອມຂ້າງຄື: ຫຼວງພະບາງ, ຊຽງຂວາງ, ໄຊສົມບູນ, ພາກສ່ວນກ່ຽວຂ້ອງ, ອົງການປົກຄອງແຂວງ ຕະຫຼອດຮອດພະນັກງານຫຼັກແຫ່ງ ຂອງແຂວງຫົວພັນເຂົ້າຮ່ວມຢ່າງພ້ອມພຽງ.

ອ່ານເພີ່ມເຕີມ...

37. ແຂວງຫົວພັນ ປາຖະກະຖາວັນຊາດ ທີ 2 ທັນວາ ຄົບຮອບ 48 ປີ ແລະ ວັນເກີດ ປະທານ ໄກສອນ ພົມວິຫານ ຄົບຮອບ 103 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 05 ທັນວາ 2023 01:32

ຂຽນໂດຍ ອານຸສັກ

ແຂວງຫົວພັນ ປາຖະກະຖາວັນຊາດ ທີ 2 ທັນວາ ຄົບຮອບ 48 ປີ ແລະ ວັນເກີດ ປະທານ ໄກສອນ ພົມວິຫານ ຄົບຮອບ 103 ປີ

      ວັນທີ 1 ທັນວາ 2023, ແຂວງຫົວພັນ ໄດ້ຈັດພິທີປາຖະກະຖາວັນຊາດທີ 2 ທັນວາ ຄົບຮອບ 48 ປີ ( 02/12/1975 – 02/12/2023 ) ແລະ ວັນເກີດ ປະທານ ໄກສອນ ພົມວິຫານ ຄົບຮອບ 103 ປີ ( 13/12/1920-13/12/2023 ), ຢູ່ທີ່ຫໍວັດທະນະທຳແຂວງຫົວພັນ. ໂດຍໃຫ້ກຽດປາຖະກະຖາຂອງ ທ່ານ ຄຳແພງ ໄຊສົມແພງ ກຳມະການສູນກາງພັກ, ເລຂາພັກແຂວງ ເຈົ້າແຂວງຫົວພັນ, ພ້ອມດ້ວຍຄະນະບໍລິຫານງານພັກແຂວງ, ກອງບັນຊາການທະຫານແຂວງ, ກອງບັນຊາການປ້ອງກັນຄວາມສະຫງົບແຂວງ, ຫົວໜ້າ-ຮອງຫົວໜ້າພະແນກການ, ອົງການທຽບເທົ່າ, ບັນດາລັດວິສາຫະກິດ, ໂຮງໝໍ, ໂຮງຮຽນ ແລະ ພະນັກງານຫຼັກແຫຼ່ງອ້ອມຂ້າງແຂວງເຂົ້າຮ່ວມຢ່າງພ້ອມພຽງ.

      ໃນພິທີດັ່ງກ່າວ ທ່ານ ນາງ ລ້ອງຄຳ ພອນມີໄຊ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ ໄດ້ຜ່ານດຳລັດ ເລກທີ 358/ນຍ ວ່າດ້ວຍການແຕ່ງຕັ້ງເຈົ້າແຂວງໆຫົວພັນ ນາຍົກລັດຖະມົນຕີ ອອກດຳລັດແຕ່ງຕັ້ງ ທ່ານ ຄຳແພງ ໄຊສົມແພງ ເປັນ ເຈົ້າແຂວງຫົວພັນ ພ້ອມນັ້ນ ທ່ານ ຍັງໄດ້ໃຫ້ກຽດປາຖະກະຖາເລົ່າມູນເຊື້ອ ວັນຊາດທີ 2 ທັນວາ ຄົບຮອບ 48 ປີ ເຊິ່ງທ່ານໄດ້ຍົກໃຫ້ເຫັນເຖິງມູນເຊື້ອທີ່ສະຫງ່າອົງອາດແຫ່ງການຕໍ່ສູ້ຕ້ານການຮຸກຮານ ຂອງສັດຕູຈາກພາຍນອກ ແລະ ສ້າງສາພັດທະນາ ໂດຍສືບທອດມູນເຊື້ອອັນອົງອາດຂອງບັນພະບູລຸດດັ່ງກ່າວນັ້ນ, ປະຊາຊົນລາວບັນດາເຜົ່າ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ໄດ້ສາມັກຄີກັນຕໍ່ສູ້ຢ່າງພິລະອາດຫານຕ້ານການຮຸກຮານ ແລະ ການຄອບຄອງຂອງພວກຈັກກະພັດລ່າເມືອງຂຶ້ນທັງແບບເກົ່າ ແລະ ໃໝ່ ສາມາດປົດປ່ອຍປະເທດຊາດຢ່າງມີໄຊ, ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ວັນທີ 2 ທັນວາ ແມ່ນວັນທີ່ມີຄວາມໝາຍສໍາຄັນ ສໍາລັບທົ່ວພັກ, ທົ່ວລັດ ແລະ ທົ່ວປວງຊົນລາວ, ແມ່ນວັນແຫ່ງໄຊຊະນະອັນຍິ່ງໃຫຍ່ ໃນປະຫວັດສາດແຫ່ງການຕໍ່ສູ້ເປັນພັນໆປີ ຂອງຊາດລາວເຮົາ; ແມ່ນວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ; ແມ່ນວັນທີ່ປະເທດລາວໄດ້ມີເອກະລາດຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີທີ່ຕັ້ງອັນສົມກຽດ ແລະ ມີຖານະເທົ່າທຽມກັບປະເທດອື່ນໆ ໃນເວທີປະຊາຄົມໂລກ, ວັນທີ 2 ທັນວາ ແມ່ນວັນແຫ່ງສັນຕິພາບ, ວັນແຫ່ງການກ້າວສູ່ຍຸກສະໄໝໃໝ່ ແຫ່ງການສ້າງປະເທດລາວ ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ.

      ພ້ອມນັ້ນ, ທ່ານຍັງໄດ້ ຫວນຄືນວັນເກີດຂອງປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກທົ່ວພັກ-ລັດ ແລະ ປວງຊົນລາວບັນດາເຜົ່າ, ເພື່ອສ້າງແນວຄິດຈິດສໍານຶກ ແລະ ຮູ້ບຸນຄຸນຂອງບັນພະບູລຸດຢ່າງບໍ່ມີວັນຫຼົງລືມໄດ້, ໂດຍໄດ້ຍົກໃຫ້ເຫັນຊີວິດ ແລະ ການເຄື່ອນໄຫວປະຕິວັດ, ຜົນງານ, ຄຸນງາມຄວາມດີ, ການຕັ້ງໜ້າຮໍ່າຮຽນ ແລະ ສືບທອດມໍລະດົກອັນລໍ້າຄ່າ ຂອງປະທານ ໄກສອນ ພົມວິຫານ, ພ້ອມທັງເນັ້ນໜັກໃຫ້ການນຳ ແລະ ພະນັກງານຫຼັກແຫຼ່ງພາຍໃນແຂວງຫົວພັນສືບທອດເອົາບົດຮຽນ, ຄຸນສົມບັດສິນທຳປະຕິວັດ, ຄວາມກະຕັນຍູຮູ້ບຸນຄຸນ, ການດຳລົງຊີວິດທີ່ດຸໝັ່ນ ແລະ ປອດໃສຂາວສະອາດ, ພິກໄຫວ-ຄວາມສະຫຼຽວສະຫຼາດ, ສະຕິປັນຍາຂອງເພິ່ນເຂົ້າສູ່ຊີວິດຕົວຈິງ ເວົ້າສະເພາະກໍ່ຄືເຂົ້າສູ່ການຈັດຕັ້ງນຳພາ-ຊີ້ນຳ ໃນຂົງເຂດວຽກງານຕ່າງໆຢ່າງເລິກເຊິ່ງ.

36. ຄະນະບໍລິຫານງານພັກແຂວງຫົວພັນ ວາງພວງມາລາ ແລະ ກະຕ່າດອກໄມ້ ທີ່ອະນຸສາວະລີນັກຮົບນິລະນາມ ແລະ ອະນຸສອນສະຖານ ປະທານ ໄກສອນ ພົມວິຫານ

ລາຍລະອຽດ

ສ້າງຂື້ນເມື່ອ ວັນສຸກ, 01 ທັນວາ 2023 03:59

ຂຽນໂດຍ ອານຸສັກ

     ຄະນະບໍລິຫານງານພັກແຂວງຫົວພັນ ວາງພວງມາລາ ແລະ ກະຕ່າດອກໄມ້ ທີ່ອະນຸສາວະລີນັກຮົບນິລະນາມ ແລະ ອະນຸສອນສະຖານ ປະທານ ໄກສອນ ພົມວິຫານ

      ໃນຕອນເຊົ້າວັນທີ 1 ທັນວາ 2023, ຄະນະນຳແຂວງຫົວພັນ, ນຳໂດຍ ທ່ານ ຄຳແພງ ໄຊສົມແພງ ກຳມະການສູນກາງພັກ, ເລຂາພັກແຂວງ ເຈົ້າແຂວງຫົວພັນ ພ້ອມຄະນະ ໄດ້ເຂົ້າວາງພວງມະລາ ແລະ ກະຕ່າດອກໄມ້ ຢູ່ອະນຸສາວະລີນັກຮົບນິລະນາມ ແລະ ອະນຸສອນສະຖານ ປະທານ ໄກສອນ ພົມວິຫານ, ເນື່ອງໃນໂອກາດວັນຊາດ ທີ 2 ທັນວາ ຄົບຮອບ 48 ປີ (2/12/1975 - 2/12/2023) ແລະ ວັນເກີດປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ ຄົບຮອບ 103 ປີ (13/12/1920 - 13/12/2023). ທັງນີ້ັ ກໍເພື່ອເປັນການສະແດງເຖິງຄວາມເຄົາລົບຮັກ, ຄວາມກະຕັນຍູ-ຮູ້ບຸນຄຸນ, ຄຸນງາມຄວາມດີ ແລະ ຜົນງານອັນໃຫຍ່ຫຼວງ ຂອງບັນພະບູລຸດລາວ ທີ່ໄດ້ອຸທິດຕົນ ເພື່ອປະເທດຊາດ ແລະ ການປະຕິວັດ ໃນໄລຍະຜ່ານມາ ຈົນສາມາດນຳພາປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປານາ ເປັນສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ຈົນເຖິງທຸກວັນນີ້.

35. ຄະນະໂຄສະນາອົບຮົມແຂວງ ລົງໂຄສະນາເຄື່ອນທີ່ຢູ່ບ້ານ ພຽງຄາ (ກຸ່ມໂຮມທອງ) ເມືອງວຽງໄຊ ແຂວງຫົວພັນ

ລາຍລະອຽດ

ສ້າງຂື້ນເມື່ອ ວັນອັງຄານ, 28 ພະຈິກ 2023 08:44

ຂຽນໂດຍ ອານຸສັກ

ຄະນະໂຄສະນາອົບຮົມແຂວງ ລົງໂຄສະນາເຄື່ອນທີ່ຢູ່ບ້ານ ພຽງຄາ (ກຸ່ມໂຮມທອງ) ເມືອງວຽງໄຊ ແຂວງຫົວພັນ

     ໃນວັນທີ 22 ພະຈິກ 2023 ທີຜ່ານມານີ້ ກອງໂຄສະນາເຄື່ອນທີ່ ຄະນະໂຄສະນາອົບຮົມແຂວງ ໄດ້ສົມທັບກັບ ຄະນະໂຄສະນາອົບຮົມເມືອງວຽງໄຊລົງໂຄສະນາເຄື່ອນທີ່ຢູ່ ບ້ານ ພຽງຄາ (ກຸ່ມໂຮມທອງ) ເມືອງວຽງໄຊ ແຂວງຫົວພັນ ເຊີ່ງນຳພາໂດຍ ທ່ານ ອົ້ມ ອີນທະລາ ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍທີມງານຂອງແຂວງ ແລະ ເມືອງ, ມີຄະນະພັກ, ນາຍບ້ານ, ອົງການຈັດຕັ້ງຕ່າງໆຂອງ ບ້ານ ພຽງຄາ, ມີເຖົ້າແກ່ແນວໂຮມບ້ານ ແລະ ປະຊາຊົນເຂົ້າຮ່ວມຢ່າງຫຼວງຫຼາຍ

ອ່ານເພີ່ມເຕີມ...

34. ແຂວງຫົວພັນໄດ້ເປີດກອງປະຊຸມກະກຽມແຜນການສະເຫຼີມສະຫຼອງວັນເກີດ ປະທານ ຄຳໄຕ ສີພັນດອນ ຄົບຮອບ 100 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 28 ພະຈິກ 2023 01:22

ຂຽນໂດຍ ອານຸສັກ

ແຂວງຫົວພັນໄດ້ເປີດກອງປະຊຸມກະກຽມແຜນການສະເຫຼີມສະຫຼອງວັນເກີດ ປະທານ ຄຳໄຕ ສີພັນດອນ ຄົບຮອບ 100 ປີ

     ວັນທີ 9 ພະຈິກ 2023 ຜ່ານມານີ້ ຄະນະຮັບຜິດຊອບແຂວງຫົວພັນໄດ້ເປີດກອງປະຊຸມ ກະກຽມ ສະເຫຼີມສະຫຼອງວັນເກີດຂອງ ປະທານ ຄຳໄຕ ສີພັນດອນ ຄົບຮອບ 100 ປີ ຂື້ນຢູ່ທີຫ້ອງປະຊຸມຊັ້ນ 2 ຕືກຫໍແກ້ວແຂວງຫົວພັນ ພາຍໃຕ້ການເປັນປະທານຂອງ ສະຫາຍ ເພີດ ມາປັນຍາ ຮອງເລຂາພັກແຂວງ ຜູ້ປະຈຳການ, ຫົວໜ້າຄະນະຮັບຜິດຊອບກະກຽມສະເຫຼີມສະຫຼອງວັນເກີດຂອງປະທານ ຄຳໄຕ ສີພັນດອນ ຄົບຮອບ 100 ປີ, ພອ້ມດ້ວຍຄະນະຮັບຜິດຊອບຂັ້ນແຂວງ ເຂົ້າທັງໝົດ18 ສະຫາຍ ຍິງ 5 ສະຫາຍ.

ອ່ານເພີ່ມເຕີມ...