7. ຄອຂ ສໍາເລັດການຝຶກອົບຮົມການເມືອງ-ການປົກຄອງ, ການສ້າງບ້ານພັດທະນາ ແລະ ວຽກງານຊາຍແດນ ຢູ່ເມືອງສົບເບົາແຂວງຫົວພັນ.

ສ້າງຂື້ນເມື່ອ ວັນສຸກ, 26 ກຸມພາ 2021 02:50
ຂຽນໂດຍ ພູສັກ

7. ຄອຂ ສໍາເລັດການຝຶກອົບຮົມການເມືອງ-ການປົກຄອງ, ການສ້າງບ້ານພັດທະນາ ແລະ ວຽກງານຊາຍແດນ ຢູ່ເມືອງສົບເບົາແຂວງຫົວພັນ.

ໃນມື້ວັນທີ 9-10  ກຸມພາ 2021 ຜ່ານມານີ້, ຄະນະໂຄສະນາອົບຮົມແຂວງຫົວພັນ ໄດ້ສົມທົບກັບ ຄະນະໂຄສະນາອົບຮົມສູນກາງພັກ ແລະ ຄະນະໂຄສະນາອົບຮົມເມືອງສົບເບົາ, ເປີດຊຸດຝຶກອົບຮົມການເມືອງ-ການປົກຄອງ, ການສ້າງບ້ານພັດທະນາ ແລະ ວຽກງານຊາຍແດນ ຢູ່ບ້ານສົມຫວັງ ເມືອງສົບເບົາມີ 4

ບ້ານທີ່ລຽບຕາມຊາຍແດນຫວຽດນາມເຂົ້າຮ່ວມຝຶກ ມີບ້ານສົມຫວັງ, ນາອ່ອນ, ໂພນໄຊ ແລະ ບ້ານນາໂພນສຸກໃຫ້ແກ່ ເລຂາ, ຮອງເລຂາຄະນະພັກບ້ານ ເຊິ່ງພິທີດັ່ງກ່າວໄດ້ເປີດຂື້ນຢ່າງເປັນທາງການ ໃນເວລາ 8 ໂມງເຊົ້າຂອງວັນທີ 9 ກຸມພາ ປີ 2021 ທີ່ບ້ານສົມຫວັງ ພາຍໃຕ້ການເປັນປະທານຂອງ ຂອງສະຫາຍ ໄຊຍະແສງ ຊົງຢົງຍາ ກໍາມະການພັກແຂວງ, ເລຂາພັກເມືອງເຈົ້າເມືອງສົບເບົາ, ຄະນະໂຄສະນາອົບຮົມສູນກາງພັກ, ແລະ ສະຫາຍ ຕົງລີເຕັ່ງ ຫົວໜ້າຄະນະໂຄສະນາອົບຮົມແຂວງ ພ້ອມດ້ວຍບັນດາທ່ານນັກວິທະຍາກອນຈາກສູນກາງ, ແຂວງຈໍານວນ 4 ທ່ານ ແລະ ນັກສໍາມະນາກອນມາຈາກບັນດາບ້ານຈໍານວນ 45 ທ່ານ, ຍິງ 8 ທ່ານມາຈາກຮາກຖານບ້ານ.

ການຝຶກອົບຮົມຄັ້ງນີ້ບັນດານັກວິທະຍາກອນໄດ້ນໍາພາຄົ້ນຄ້ວາເຊື່ອຊຶມ ແລະ ຮັບຟັງການຂື້ນບັນຍາຍເອກະ ສານ 6 ບົດຂອງນັກວິທະຍາກອນຄື: ການເມືອງ-ການປົກຄອງ, ການສ້າງບ້ານພັດທະນາ ແລະ ວຽກງານຊາຍແດນ ໄດ້ດໍາເນີນມາເປັນເວລາ 2 ວັນເຕັມ. ຜ່ານການຝຶກອົບຮົມເນື້ອໃນເອກະສານ 6 ບົດ ໄດ້ເຮັດໃຫ້ ຜູ້ທີ່ໄດ້ເຂົ້າຮ່ວມຝຶກອົບຮົມມີຄວາມຮູ້, ຄວາມເຂົ້າໃຈຢ່າງເລິກເຊິງ ສາມາດເປັນເສນາທິການໃຫ້ແກ່ຄະນະພັກ, ອໍານາດການປົກຄອງ ໃນການສຶກສາອົບຮົມການເມືອງ-ແນວຄິດ ແລະ ປຸກລະດົມຂົນຂວາຍໃຫ້ປະຊາຊົນບັນດາເຜົ່າໃຫ້ຮັບຮູ້ເຂົ້າໃຈບັນດາແນວ ທາງ, ແຜນນະໂຍບາຍຂອງພັກ ແລະ ລະບຽບກົດໝາຍຂອງລັດ ພ້ອມທັງຈັດຕັ້ງປະຕິບັດໃຫ້ປະກົດຜົນເປັນຈິງຢູ່ຮາກຖານທ້ອງຖິ່ນ, ຫາກຍັງມີຄວາມສຳຄັນຕໍ່ສະມາຊິກພັກໃນທົ່ວທຸກຂົງເຂດວຽກງານໂດຍສະເພາະຜູ້ທີ່ເປັນພະນັກງານຫຼັກ ແຫຼ່ງ.

ກອງປະຊຸມຝຶກອົບຮົມວຽກງານດັ່ງກ່າວໄດ້ປິດລົງຢ່າງເປັນທາງການໃນເວລາ 16 ໂມງ 00 ຂອງວັນທີ 10 ກຸມພາ 2021.