10. ກອງໂຄສະນາເຄືອນທີ່ຂອງຄອຂ ແລະ ຄອຂ ຊໍາເໜືອຫົວພັນລົງເຄືອນໄຫວວຽກງານຢູ່ບ້ານຫ້ວຍມ້າ ແລະ ບ້ານສົບກ່າ ເມືອງຊໍາເໜືອ ແຂວງຫົວພັນ

ສ້າງຂື້ນເມື່ອ ວັນສຸກ, 12 ມີນາ 2021 02:53
ຂຽນໂດຍ ພູສັກ

10. ກອງໂຄສະນາເຄືອນທີ່ຂອງຄອຂ ແລະ ຄອຂ ຊໍາເໜືອຫົວພັນລົງເຄືອນໄຫວວຽກງານຢູ່ບ້ານຫ້ວຍມ້າ ແລະ ບ້ານສົບກ່າ ເມືອງຊໍາເໜືອ ແຂວງຫົວພັນ

ໃນລະຫວ່າງວັນທີ່ 8-10 ມີນາ 2021 ນີ້, ທ່ານ ແປ້ນໄຊຍະທໍາ ຮອງຫົວໜ້າຄະນະໂຄສະນາອົບຮົມແຂວງພ້ອມດ້ວຍທີມງານກອງໂຄສະນາເຄືອນທີ່ເມືອງຊໍາເໜືອໄດ້ລົງມາເຄືອນໄຫວວຽກງານຢູ່ບ້ານຫ້ວຍມ້າ ແລະ ບ້ານສົບກ່າ ເມືອງຊໍາເໜືອ ແຂວງຫົວພັນ.

ການລົງມາເຮັດວຽກຄັ້ງນີ້ທາງຄະນະໂຄສະນາອົບຮົມແຂວງໄດ້ສົມທົບກັບຄະນະໂຄສະນາອົບຮົມເມືອງຊໍາເໜືອ ແຂວງຫົວພັນ ນໍາເອົາກອງໂຄສະນາເຄືອນທີສາຍລະຄະດີ ( ຮູບເງົາ) ໄປສາຍຢູ່ບ້ານຫ້ວຍມ້າ ແລະ ບ້ານສົບກ່າ ເມືອງຊໍາເໜືອ ສາລະຄະດີທີນໍາມາສາຍມີ: ຄອບຄົວຕົວແບບການປູກ, ການລ້ຽງ, ສາລະຄະດີມູນ ເຊື້ອ 60 ປີພາຍໃຕ້ການນໍາພາຂອງພັກປະຊາຊົນປະຕິວັດລາວ, ການຄ້າມະນຸດ ແລະ ສາລະຄະດີຢາເສບຕິດ…..ໃຫ້ພໍ່ແມ່ພີ່ນ້ອງ ແລະ ປະຊາຊົນຢູ່ບ້ານດັ່ງກ່າວໄດ້ເບິ່ງໄດ້ຊົມເພື່ອນໍາໄປເປັນບົດຮຽນໃນການສ້າງສາພັດທະນາເສດຖະກິດຂອງຄອບຄົວ.  ນອກຈາກນັ້ນທິມງານຂອງຄະນະໂຄສະນາອົບຮົມແຂວງຍັງໄດ້ ໂອລົມປະຊາຊົນ ສອງບ້ານຄື:ບ້ານຫ້ວຍມ້າ ແລະ ບ້ານສົບກ່າ ເມືອງຊໍາເໜືອ  ເພື່ອຮຽນຮູ້, ຄວາມໝາຍຄວາມສໍາຄັນຂອງການຕໍ່ສູ້ປົດປ່ອຍຊາດ, ຮຽນຮູ້ປະຫວັດສາດຂອງການປະຕິວັດລາວເພື່ອນໍາໄປເປັນບົກຮຽນໃນຕໍ່ໜ້າ ແລະ ເພື່ອກະກຽມ ສ້າງຂະບວນການຂໍ່ານັບຮັບຕ້ອນງານສະເຫຼີມສະຫຼອງລະນຶກວັນເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 75 ປີ ແລະ ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 66 ປີ ທີ່ຈະມາເຖິງໃນທ້າຍເດືອນ ມີນາ 2021 ນີ້ ໃຫ້ເຕັມໄປດ້ວຍຄວາມຄືກຄື້ນມ່ວນຊື່ນ ແລະ ໄດ້ເຫັນນໍາເອົາໄປເປັນບົດຮຽນໃນການພັດທະນາຄອບຄົວໃຫ້ດີຂື້ນເລື່ອຍໆ.

        ການລົງເຮັດວຽກຄັ້ງນີ້ກໍ່ເພື່ອເປັນການໂຄສະນາກະຕຸກຊຸກຍູ້ໃຫ້ບັນດາປະຊາຊົນທຸກຊັ້ນຄົນໄດ້ຮູ້, ໄດ້ເຫັນບັນ ດາຄອບຄົວຕົວແບບໃນດ້ານຕ່າງໆ ແລະ ນໍາໄປເປັນບົດຮຽນ.