15: ຄອຂ ຈັດກອງປະຊຸມແນະນໍາໃຫ້ຄະນະກໍາມະການເກັບກໍາຫາງສຽງສັງຄົມຂັ້ນແຂວງ ປະຈໍາປີ 2021.

ລາຍລະອຽດ

ສ້າງຂື້ນເມື່ອ ວັນຈັນ, 05 ກໍລະກົດ 2021 02:10

ຂຽນໂດຍ ຄອຂ ຫົວພັນ

ຄອຂ ​ຈັດ​ກອງ​ປະຊຸມ​​ແນະ​ນໍາ​ໃຫ້​ຄະນະ​ກໍາມະການ​ເກັບ​ກໍາຫາງ​ສຽງສັງຄົມຂັ້ນ​ແຂວງ ປະຈໍາປີ 2021.

ຕອນ​ເຊົ້າ​ຂອງ​ວັນ​ທີ 2 ກໍລະກົດ 2021 ນີ້, ຄະນະ​​ໂຄສະນາ​ອົບຮົມ​ແຂວງ​ຫົວພັນ​ໄດ້​ຈັດ​ກອງ​ປະຊຸມ​​ແນະ​ນໍາ​ໃຫ້​ຄະນະ​ກໍາມະການ​ເກັບ​ກໍາຫາງ​ສຽງສັງຄົມ ປະຈໍາປີ 2021. ຂຶ້ນ ຢູ່​ທີ່​ຫ້ອງ​ປະຊຸມ​ໃຫຍ່ຊັ້ນ 5 ຫ້ອງ​ວ່າການ​​ແຂວງ​ຫົວພັນຫຼັງ​ເກົ່າ, ພາຍ​ໃຕ້​ການ​ເປັນ​ປະທານຂອງ ທ່ານ ຕົ່ງ​ລີ​ເຕັ່ງ​ ກໍາມະການ​ພັກ​ແຂວງ, ຫົວໜ້າຄະນະ​ໂຄສະນາ​ອົບຮົມ​ແຂວງຫົວພັນ ແລະ ກອງເລຂາ, ​

ບັນດາ​ທ່ານຄະນະກໍາມະການຄົ້ນຄວ້າ, ວິເຄາະ, ວິໄຈ, ຕິດຕາມ, ເກັບກໍາ​ຫາງ​ສຽງ-ສັງຄົມ ຂັ້ນແຂວງ ​ເຂົ້າ​ຮ່ວມ​ທັງໝົດ 23 ສະຫາຍ, ຍິງ 8 ສະຫາຍ.

​            ກອງ​ປະຊຸມ​ໄດ້​ຮັບ​ຟັງການ​ບັນຍາຍ​​ເອກະສານ​ວຽກງານຫາງ​ສຽງ - ສັງຄົມ ​ຈາກ​ຄະນະ​ຮັບຜິດຊອບໃຫ້ຄະນະກໍາມະການຄົ້ນຄວ້າ, ວິເຄາະ, ວິໄຈ, ຕິດຕາມ, ເກັບກໍາສະພາບແນວຄິດ - ຫາງສຽງສັງຄົມ ຢູ່ຂັ້ນແຂວງ ໄດ້ນໍາພາຄົ້ນຄ້ວາເຊື່ອມຊຶມ ແລະ ຮັບຟັງການຂື້ນບັນຍາຍເອກະສານ 3 ບົດຄື: ບັນຫາພື້ນຖານກ່ຽວ​ກັບ​ວຽກງານ​ຫາງ​ສຽງ-ສັງຄົມ, ວິທີ​ເກັບ​ກໍາ ແລະ ການ​ນໍາ​ໃຊ້​ຫາງ​ສຽງສັງຄົມ​ເຂົ້າ​ໃນ​ວຽກ​ງານ​ການ​ເມືອງ​-ແນວ​ຄິດ, ຕາໜ່າງ​ເພືອນຮ່ວມ​ງານ ​ພ້ອມນັ້ນກອງ​ເລຂາຍັງໄດ້​ແນະ​ນໍາແບບຟອມລາຍ​ງານ ສະພາບແນວຄິດຫາງສຽງ-ສັງຄົມ  ເພື່ອເຮັດໃຫ້ຜູ້ເຂົ້າຮ່ວມກອງ​ປະຊຸມ ມີຄວາມຮັບຮູ້ ແລະ ເຂົ້າໃຈກ່ຽວ ກັບບັນຫາພື້ນຖານ ຂອງວຽກງານຫາງສຽງສັງຄົມ ໂດຍສະເພາະແມ່ນຫຼັກການ ແລະ ທິດນໍາ ໃນການເຮັດວຽກງານຫາງສຽງສັງຄົມ; ຄວາມໝາຍ, ຄວາມສໍາຄັນ ແລະ ຄວາມເເຕກຕ່າງ ລະຫວ່າງ ຫາງສຽງສັງຄົມກັບຂ່າວລື, ພາລະບົດບາດ, ຫນ້າທີ່ ຂອງໜ່ວຍງານທີ່ເຮັດວຽກງານເກັບກໍາຫາງສຽງ-ສັງຄົມ, ມາດຖານ ແລະ ຄຸນທາດ ຂອງຜູ້ເຮັດວຽກງານເກັບກໍາຫາງສຽງສັງຄົມ; ຜູ້ເຂົ້າຮ່ວມສາມາດຈໍາແນກຄວາມແຕກຕ່າງ ລະຫວ່າງຫາງສຽງສັງຄົມກັບຂ່າວລື, ຮັບຮູ້ບົດບາດ ແລະ ຄວາມສໍາຄັນຂອງຫາງສຽງສັງຄົມ ຕໍ່ກັບວຽກງານການ ເມືອງ-ແນວຄິດ ແລະ ສາມາດເປັນເສນາທິການຊ່ວຍຄະນະພັກ, ຄະນະນໍາ ໃນການຕິດຕາມເກັບກໍຫາງສຽງສັງຄົມ ແລະ ນໍາພາແນວຄິດຂອງພະນັກງານ, ສະມາ ຊິກພັກ ແລະ ປະຊາຊົນບັນດາເຜົ່າ ໃຫ້ມີຄວາມເຊື່ອຫມັ້ນຕໍ່ການນໍາພາຂອງພັກດີ​ຂຶ້ນ.

ກອງປະຊຸມໄດ້ປິດລົງໃນເວລາ 11:30 ຂອງວັນດັ່ງກ່າວຢ່າງຈົບງາມ.

• < ຕໍ່ໄປ
• ຕໍ່ໄປ >