31. ໜ່ວຍຊາວໜຸ່ມຄະນະໂຄສະນາອົບຮົມແຂວງ ສໍາເລັດກອງປະຊຸມປະເມີນໜ່ວຍຊາວໜຸ່ມ 4 ບຸກ ຄັ້ງທີ VIIII ປະຈໍາປີ 2021

ສ້າງຂື້ນເມື່ອ ວັນສຸກ, 22 ຕຸລາ 2021 04:00
ຂຽນໂດຍ ຄອຂ ຫົວພັນ

ໜ່ວຍຊາວໜຸ່ມຄະນະໂຄສະນາອົບຮົມແຂວງ

ສໍາເລັດກອງປະຊຸມປະເມີນໜ່ວຍຊາວໜຸ່ມ 4 ບຸກ ຄັ້ງທີ VIIIIປະຈໍາປີ 2021

       ວັນ​ທີ 22 ຕຸລາ 2021 ນີ້, ໜ່ວຍຊາວໜຸ່ມຄະນະ​ໂຄສະນາ​ອົບຮົມ​ແຂວງ​ຫົວພັນ ​​ໄດ້​ສໍາ​ເລັດ​ກອງ​ປະຊຸມ​ປະ​ເມີນ​ຜົນໜ່ວຍຊາວໜຸ່ມ 4 ບຸກ ຄັ້ງ​ທີ VIIII ປະ​ຈໍາປີ 2020. ກອງ​ປະຊຸມ​ໄດ້​ດໍາ​ເນີນ​ມາ​ເປັນ​ເວລາ 1 ຕອນ ຢູ່​ທີ່​ຫ້ອງ​ປະຊຸມ​ຊັ້ນ IV ຫ້ອງ​ວ່າການ​ປົກຄອງ​ ແຂວງ​ຫົວພັນ, ພາຍ​ໃຕ້​ການ​ເປັນ​ປະທານ​ຂອງ​ສະຫາຍ ພົມມາ ຮຸ່ງນະຄອນ ຄະນະປະຈໍາ, ​ ຄະນະບໍລິ​ຫານ​ງານ​ຊາວ​ໝຸ່ມ​ແຂວງ​ຫົວພັນ ແລະ ສະຫາຍ ສຸກເສີ່ມຢາງຈາງ ຄະນະ​​ໜ່ວຍ​ພັກ, ຫົວໜ້າ​ຂະ​ແໜງ​ອົບຮົມຄະນະ​ໂຄສະນາ​ອົບຮົມ​ແຂວງ​ ​ແລະ ພ້ອມ​ດ້ວຍ​ວິຊາ​ການຄະນະ​ຍໍ​ລິ​ຫານ​ງານ​ຊາວໜຸ່ມ​ແຂວງ​, ມີ​ຜູ້​ຕ່າງ​ໜ້າຈາກອົງການຈັດຕັ້ງມະຫາຊົນ ​ແລະ ສະມາຊິກ​ຊາວໜຸ່ມພາຍ​ໃນໜ່ວຍ​ເຂົ້າ​ຮ່ວມທັງໝົດ 11 ສະຫາຍ, ຍິງ 4 ສະຫາຍ.

ກອງ​ປະຊຸ​ມ​ໄດ້​ຮັບ​ຟັງ​ບົດ​ສະຫຼຸບການຈັດ​ຕັ້ງ​ປະຕິບັດ​ໃນ​ໄລຍະ​ຜ່ານ​ມາ ​ແລະ​ ດ້ານ​ອ່ອນ​ຄົງ​ຄ້າງ​ທີ່​ຈະ​ໄດ້​ປັບ​ປຸງ​ແກ້​ໄຂ​ໃນຕໍ່ໜ້າ ກອງ​ປະຊຸມ​ຍັງ​ໄດ້​ພ້ອມ​ກັນ​ປະ​ປອບ​ຄໍາ​ຄິດ​ເຫັນ​ໃສ່​ບົດ​ສະຫຼຸບ​ໃຫ້​ຈະ​ແຈ້ງ​ສົມບູນ​ຂຶ້ນ​ຕື່ມ ​ແລະ ​ໄດ້​ຕົກລົງ​ເປັນ​ເອກະ​ພາບ​ໃນການຈັດຕັ້ງປະຕິບັດວຽກງານຕິດຕາມ​ທິດ​ທາງ​ແຜນການ​ສູ້​ຊົນ​ທີ່​ໄດ້​ກໍານົດ​ໄວ້​ໃນ​ປີ 2022 ຈາກ​ນັ້ນ​ສະມາຊິກຊາວໜຸ່ມກໍ່​ໄດ້​ຜ່ານ​ບົດ​ສໍາ​ຫຼວດຕົນ​ເອງ ​ແລະ ​ໄດ້​ລົງ​ຄະ​ແນນ​ສຽງ​ປິດ​ລັບ. ​ເຊິ່ງພາຍ​ໃນ​ໜ່ວຍ​ມີ​ສະມາຊິກ​ທັງ​ໝົດ 7 ສະຫາຍ, ຍິງ 4 ສະຫາຍ, ​ໃນ​ນັ້ນ​ມີໜ້າ​ປະ​ເມີນ​ຕົວ​ຈິງ​ແມ່ນ 6 ສະຫາຍ, ຍິງ 3 ສະຫາຍ ບໍ່​ໄດ້​ເຂົ້າ​ຮ່ວມ​ປະ​ເມີນ​ເນື່ອງ​ຈາກ​ວ່າ​ໄປ​ຮຽນ​ຕໍ່​ໄລຍະ​ຍາວ ​ແລະ ຜ່ານ​ການ​ປະ​ເມີນ​ຕົວ​ຈິງ​ແມ່ນ​ໄດ້​ດີ 6 ສະ​ຫາຍ, ຍິງ 3 ສະຫາຍ ​ເທົ່ກັບ 100 %.

ຕອນ​ທ້າຍ​ຂອງ​ກອງ​ປະຊຸມ​ສະຫາຍ ​ ພົມມາ ຮຸ່ງນະຄອນ ຄະນະປະຈໍາ, ​ ຄະນະບໍລິ​ຫານ​ງານ​ຊາວ​ໝຸ່ມ​ແຂວງ​ຫົວ ພັນ​​ໄດ້​ມອບ​ໃບ​ຢັ້ງຢືນ 4 ບຸກ ປະ​ຈໍາປີ 2021 ​ແລະ ​ໃບ​ຍ້ອງຍໍ​ຂໍ້​ແຂງ​ຂັນ 4 ບຸກ 3 ປີ ຂອງ​ຄະນະ​ບໍລິຫານ​ງານ​ຊາວ​ໜຸ່ມ​ປະຕິວັດ​ລາວ ​ແລະ ຍັງໄດ້​​ໃຫ້​ກຽດໂອ້​ລົມ​ຕໍ່​ກອງ​ປະຊຸ​ມຄັ້ງ​ນີ້ ກ່ອນ​ອື່ນ​ເພີ່ນ​ໄດ້​ຍ້​ອງຍໍ​ຊົມ​ເຊີຍ​ຕໍ່​ຜົນງານ​ທີ່ໜ່ວຍຊາວໝຸ່ມຄະນະ​ໂຄສະນາ​ອົບຮົມ​ແຂວງ​ຫົວພັນ ຍາດ​ມາ​ໄດ້​ໃນ​ໄລຍະ​ 1 ປີ ຜ່ານ​ມາ. ພ້ອມ​ນັ້ນ​ທ່ານ​​ໄດ້​ຮຽກຮ້ອງ​ໃຫ້​ສະມາຊິກ​ຊາວໜຸ່ມທຸກ​ສະຫາຍ​ຕ້ອງ​ເປັນ​ເຈົ້າ​ການ​ຢ່າງ​ແທ້​ຈິງ ​ແລະ ​ເອົາ​ໃຈ​ໃສ່​ເຄື່ອນ​ໄຫວ​ຕາມ​ພາລະ​ບົດບາດ​ຂອງ​ສະມາຊິກຊາວໜຸ່ມປະຊາຊົນປະຕິວັດ​ລາວ​ໃຫ້​ຖືກຕ້ອງ, ມີ​ປະສິດທິ​ຜົນຕາມ​ເນື້ອໃນ​ຂໍ້​ແຂ່ງ​ຂັນ 4 ບຸກ ​ແລະ ໜັກ​ແໜ້ນ​ເຖີງ​ແຜນການ​ສູ້​ຊົນ​ທາງ​ດ້ານ​ການ​ເມືອງ​-ແນວ​ຄິດ​, ວຽກ​ງານ​ຕ່າງໆ​ໃຫ້​ໄດ້​ດີ​ຂຶ້ນ​ເລື່ອຍໆໃນ​ຕໍ່ໜ້າ, ສືບ​ຕໍ່​ຮັກສາ​ມູນ​ເຊື້ອມ​ຊາວໜຸ່ມດີ​ເດັ່ນ​ໃຫ້​ໄດ້​ຢື້​ນຢົງ​ຕະຫຼອດ​ໄປ.