47. ຄະນະໂຄສະນາອົບຮົມແຂວງຫົວພັນສໍາເລັດການຝຶກອົບຮົມວຽກງານ ໄອທີ
- ລາຍລະອຽດ
- ສ້າງຂື້ນເມື່ອ ວັນຈັນ, 23 ພຶດສະພາ 2022 06:59
- ຂຽນໂດຍ ພູສັກ
ຄະນະໂຄສະນາອົບຮົມແຂວງຫົວພັນສໍາເລັດການຝຶກອົບຮົມວຽກງານ ໄອທີ
ໃນວັນທີ 16-17 ພຶດສະພາ 2022 ຜ່ານມານີ້, ກົມຂໍ້ມູນຂ່າວສານ ຄະນະໂຄສະນາອົບຮົມສູນກາງພັກໄດ້ປະສານສົມທົບກັບຄະນະໂຄສະນາອົບຮົມແຂວງຫົວພັນ ເປີດຊຸດອົບຮົມວຽກງານ ໄອທີ ຢູ່ຄະນະໂຄສະນາອົບຮົມແຂວງຫົວພັນ ເພື່ອສ້າງຄວາມເຂັ້ມແຂງໃຫ້ພະນັກງານ - ລັດຖະກອນຮັບຮູ້ເຂົ້າໃຈເຖິງວຽກງານໄອທີເພື່ອນໍາໄປຈັດຕັ້ງປະຕິບັດເຂົ້າໃນວຽກງານຕົວຈິງ ເຊີ່ງພິທີດັ່ງກ່າວໄດ້ເປີດຂຶ້ນຢ່າງເປັນທາງການໃນເວລາ 9 ໂມງ 00 ຂອງວັນທີ 16 ພຶດສະພາ 2022 ທີຫ້ອງ ປະຊຸມຊັ້ນ IV ຫ້ອງວ່າການ ແຂວງຫົວພັນຫຼັງເກົ່າພາຍໃຕ້ການເປັນປະທານຂອງ ສະຫາຍຕົ່ງລີເຕັ່ງ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ສະຫາຍ ນ ມອນສະຫວັນ ແສນໄຕ ຮອງຫົວໜ້າກົມຂໍ້ມູນຂ່າວສານ ພ້ອມດ້ວຍທິມງານ ມີນັກສໍາມະນາກອນທັງໝົດຈໍານວນ 17 ທ່ານ, ຍິງ 10 ທ່ານ.
ການຝຶກອົບຮົມຄັ້ງນີ້ນັກສໍາມະນາກອນໄດ້ຮັບຟັງການບັນຍາຍທາງດ້ານທິດສະດີ ຄວາມຮູ້ພື້ນຖານຂອງອຸ ປະກອນຄອມພິວເຕີ (Hardware), ການຕິດຕັ້ງ windows & Program ແລະ ວິທີການບໍາລຸງຮັກສາຄອມພິວເຕີ ພ້ອມນັ້ນກໍ່ໄດ້ລົງມືຈັດຕັ້ງປະຕິບັດຕົວຈິງ. ຜ່ານການຝຶກອົບຮົມຄັ້ງນີ້ ເຮັດໃຫ້ພະນັກງານ - ລັດຖະກອນ ຜູ້ທີ່ເຂົ້າຝຶກອົບຮົມມີຄວາມຮູ້, ຄວາມເຂົ້າໃຈຕໍ່ວຽກງານທີ່ໄດ້ຝຶກອົບຮົມດີພໍສົມຄວນ. ເພື່ອຍົກສູງຄຸນນະພາບວຽກງານໂຄສະນາອົບຮົມເວົ້າລວມ ເວົ້າສະເພາະ ກໍຄື ການນໍາໃຊ້ເຄື່ອງ ໂນໂລຊີທີ່ທັນສະໄໝ ເຂົ້າໃນວຽກງານໂຄສະນາອົບຮົມ ເພື່ອສ້າງບາດກ້າວຫັນປຽນໃໝ່ ຂອງວຽກງານການເມືອງ-ແນວຄິດ ຕາມທິດຍົກສູງຄຸນນະພາບວຽກງານວິຊາສະເພາະ ແລະ ຫັນວຽກງານໂຄສະນາ ອົບຮົມ ໃຫ້ເປັນທັນສະໄຫມເທື່ອລະກ້າວ ແລະ ແທດເຫມາະກັບຍຸກ 4.0 ຮຽນຮູ້ພື້ນຖານໃນການນໍາໃຊ້ລະບົບເຄື່ອຂ່າຍເອເລັກໂຕຼນິກ, ພື້ນຖານການນໍາໃຊ້ຄອມພິວເຕີ, ການຕິດຕັ້ງໂປຣແກຣມຕ່າງໆ, ວິທີປ້ອງກັນ-ແກ້ໄຂບັນຫາ ທີ່ຈະເກີດຂຶ້ນກັບຄອມພິວເຕີ ແລະ ອື່ນໆ. ເພື່ອເຮັດໃຫ້ການນໍາໃຊ້ລະບົບຄອມພິວເຕີ ມີຄວາມສະດວກວ່ອງໄວ; ຍົກລະດັບຄວາມຮູ້ໃຫ້ກັບພະ ນັກງານວິຊາການໄອທີ ຂອງຄະນະໂຄສະນາອົບຮົມແຂວງ ແລະ ເມືອງ ນັບມື້ນັບສູງຂຶ້ນ.
ໃນຕອນທ້າຍສະຫາຍ ອົ້ມ ອິນທະລາ ຮອງຫົວໜ້າຄະນະໂຄສະນາອົບຮົມແຂວງຫົວພັນຕ່າງໜ້າໃຫ້ ຄະນະໂຄສະນາອົບຮົມແຂວງ ມອບໃບຍັ້ງຢືນໃຫ້ນັກສໍາມະນາກອນພ້ອມທັງໂອ້ລົມຕໍ່ພິທີຝຶກອົບຮົມເຊີງທ່ານໄດ້ເໜັ້ນໜັກເຖີງຄວາມໝາຍສໍາຄັນຂອງວຽກງານດັ່ງກ່າວ ແລະ ຮຽກຮ້ອງໃຫ້ບັນດານັກສໍາມະນາກອນທີ່ເຂົ້າຝຶກອົບຮົມໃນຄັ້ງນີ້ ເພື່ອສືບຕໍ່ນໍາເອົາຄວາມຮູ້ ແລະ ປະສົບການທີ່ໄດ້ຮຽນມາໄປນໍາໃຊ້ເຂົ້າໃນວຽກງານຕົວຈິງຂອງແຕ່ລະຄົນໃຫ້ເກີດດອກອອກຜົນ. ການຝຶກອົບຮົມຄັ້ງນີ້ໄດ້ດໍາເນີນມາເປັນເວລາ 1 ວັນເຄິ່ງ. ແລະ ຄັ້ງນີ້ໄດ້ປິດລົງຢ່າງເປັນທາງໃນເວລາ 11 ໂມງ 30 ຂອງວັນທີ 17 ພຶດສະພາ 2022.