31. ກອງປະຊຸມບັ້ນດຳເນີນຊີວິດການເມືອງປະຈຳປີ 2023

ລາຍລະອຽດ

ສ້າງຂື້ນເມື່ອ ວັນພຸດ, 18 ຕຸລາ 2023 08:08

ຂຽນໂດຍ ອານຸສັກ

ກອງປະຊຸມບັ້ນດຳເນີນຊີວິດການເມືອງປະຈຳປີ 2023

     ວັນທີ່ 17 ຕຸລາ 2023 ຄະນະໂຄສະນາອົບຮົມແຂວງຫົວພັນໄດ້ເປີດບັ້ນດຳເນີນຊີວິດການເມືອງປະຈຳປີ 2023 ຂອງໜ່ວຍພັກຄະນະໂຄສະນາອົບຮົມແຂວງ ໂດຍການເປັນປະທານຂອງ ສະຫາຍ ຕົງລີ ເຕັ່ງ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ມີ ສະມາຊິກພັກພາຍໃນໜ່ວຍເຂົ້າຮ່ວມທັງໝົດ 12 ສະຫາຍ, ຍິງ 3 ສະຫາຍ.

   ຈຸດປະສົງຂອງການເປີດກອງປະຊຸມເພື່ອກະກຽມຄວາມພ້ອມການປະເມີນຜົນການຈັດຕັ້ງປະຕິບັດວຽກງານພະນັກງານ - ລັດຖະກອນ ແລະ ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ແລະ ສໍາຫຼວດ, ຕີລາຄາການຊີ້ນໍາ-ນຳພາຂອງຄະນະພັກ, ພ້ອມທັງປະກອບຄຳເຫັນ, ຕີລາຄາຄຸນນະພາບ, ແບ່ງປະເພດຕົນເອງ ແລະ ສະມາຊິກພາຍໃນໜ່ວຍ ຕາມໃບສຳຫຼວດຂອງບຸກຄົນສະມາຊິກພັກ ຕໍ່ການປະຕິບັດໜ້າທີ່ການເມືອງຄື: ດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ຄວາມສາມາດ ແລະ ປະສົບການ, ດ້ານຜົນສໍາເລັດໃນການປະຕິບັດຫນ້າທີ່ວຽກງານ, ດ້ານຄວາມຮັບຜິດຊອບຕໍ່ໜ້າທີ່ການເມືອງ ແລະ ໄປພ້ອມກັບການສຳຫຼວດ, ຕີລາຄາຈັດປະເພດຂອງສະມາຊິກພັກ, ຄະນະພັກ ແລະ ໜ່ວຍພັກ ແລ້ວກໍ່ໄດ້ຜ່ານບົດສະຫຼຸບຂອງໜ່ວຍພັກປະຈຳປີ ແລະ ທິດທາງແຜນການຂອງປີ 2024 ແລະ ໃນຕອນແລງຂອງວັນດຽວກັນຍັງໄດ້ມີການເຊື່ອມຊືມ ມະຕິກອງປະຊຸມຄົບຄະນະກາງສະໄໝຂອງ ຄະນະບໍລິຫານງານສູນກາງພັກ ສະໄໝທີ XI ແລະ ມະຕິກອງປະຊຸມຄົບຄະນະ ຂອງຄະນະບໍລິຫານງານພັກແຂວງຫົວພັນ ຄັ້ງທີ 11 ສະໄໝທີ X. ຜ່ານການເຊື່ອມຊືມບັນດາມະຕິດັ່ງກ່າວໄດ້ເຮັດໃຫ້ບັນດາພະນັກງານທີ່ເຂົ້າຮວ່ມກໍາໄດ້ເນື້ອໃນ ແລະ ເນື້ອໃນຈິດໃຈ ຂອງບັນດາ ເອກະສານ ດັ່ງກ່າວຈະແຈ້ງຂື້ນຕືມ.

• < ຕໍ່ໄປ
• ຕໍ່ໄປ >