ເມືອງກວັນ ແຂວງຫົວພັນ ຈັດພິທີເຊື່ອມຊືມເອກະສານສຳຄັນຂອງພັກ

ລາຍລະອຽດ

ສ້າງຂື້ນເມື່ອ ວັນອັງຄານ, 01 ສິງຫາ 2023 02:35

ຂຽນໂດຍ ອານຸສັກ

ເມືອງກວັນ ແຂວງຫົວພັນຈັດພິທີເຊື່ອມຊືມເອກະສານສຳຄັນຂອງພັກ

     ຕອນເຊົ້າວັນທີ 26 ກໍລະກົດ 2023 ນີ້ເມືອງກວັນ ແຂວງຫົວພັນໄດ້ຈັດພິທີເຊື່ອມຊືມ ມະຕິກອງປະຊຸມ ຄົບຄະນະບໍລິຫານງານ ສູນກາງພັກ ຄັ້ງທີ 6 ສະໄໝທີ XI, ມະຕິກອງປະຊຸມກາງສະໄໜຂອງແຂວງຫົວພັນ, ມະຕິກອງປະຊຸມຄົບຄະນະບໍລິຫານງານພັກເມືອງກວັນ ຄັ້ງທີ 13 ສະໄໝທີ 2, ຜ່ານແຜນພັດທະນາເສດຖະກິດ-ສັງຄົມຂອງແຂວງຫົວພັນ ແລະ ບົດໂອ້ລົມຂອງທ່ານ ບຸນທອງ ຈິດມະນີ ກົມການເມືອງສູນກາງພັກ ຮອງປະທານປະເທດ ໂດຍເປັນກຽດເຂົ້າຮວ່ມພິທີ ຂອງທ່ານ ດາວເພັດ ພົມສຸວັນ ກໍາມະການພັກແຂວງ ເລຂາພັກເມືອງເຈົ້າເມືອງ-ເມືອງກວັນ, ມີບັນດາທ່ານການນໍາເມືອງ, ຫົວໜ້າ, ຮອງຫົວໜ້າຫ້ອງການ, ພະນັກງານສຳມາຊິກພັກ, ພະນັກງານລັດຖະກອນ ພາຍໃນເມືອງເຂົ້າຮວ່ມນຳຢາງຫຼວງຫຼາຍ

ຜ່ານການເຊ່ືອມຊືມເອກະສານດັ່ງກ່າວໄດ້ເຮັດໃຫ້ສະມາຊິກພັກ, ພະນັກງານມີຄວາມຮັບຮູ້ເຂົ້າໃຈເນື້ອໃນຈິດໃຈ, ຄວາມສຳຄັນຂອງເອກະສານເພື່ອນຳເອົາໄປຜັນຂະຫຍາຍເຂົ້າໃນວຽກງານຮັບຜິດຊອບຂອງຕົນໃຫ້ມີຜົນສຳເລັດ.

• ຕໍ່ໄປ >