31. ກອງປະຊຸມບັ້ນດຳເນີນຊີວິດການເມືອງປະຈຳປີ 2023

ລາຍລະອຽດ

ສ້າງຂື້ນເມື່ອ ວັນພຸດ, 18 ຕຸລາ 2023 08:08

ຂຽນໂດຍ ອານຸສັກ

ກອງປະຊຸມບັ້ນດຳເນີນຊີວິດການເມືອງປະຈຳປີ 2023

     ວັນທີ່ 17 ຕຸລາ 2023 ຄະນະໂຄສະນາອົບຮົມແຂວງຫົວພັນໄດ້ເປີດບັ້ນດຳເນີນຊີວິດການເມືອງປະຈຳປີ 2023 ຂອງໜ່ວຍພັກຄະນະໂຄສະນາອົບຮົມແຂວງ ໂດຍການເປັນປະທານຂອງ ສະຫາຍ ຕົງລີ ເຕັ່ງ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ມີ ສະມາຊິກພັກພາຍໃນໜ່ວຍເຂົ້າຮ່ວມທັງໝົດ 12 ສະຫາຍ, ຍິງ 3 ສະຫາຍ.

ອ່ານເພີ່ມເຕີມ...

30. ກອງປະຊຸມໃຫ່ຍຄັ້ງທີ I ຂອງໜ່ວຍຊາວໜຸ່ມ ຄະນະກວດກາ-ໂຄສະນາອົບຮົມ ແຂວງຫົວພັນ

ລາຍລະອຽດ

ສ້າງຂື້ນເມື່ອ ວັນພຸດ, 18 ຕຸລາ 2023 01:20

ຂຽນໂດຍ ອານຸສັກ

ກອງປະຊຸມໃຫ່ຍຄັ້ງທີ I ຂອງໜ່ວຍຊາວໜຸ່ມ ຄະນະກວດກາ-ໂຄສະນາອົບຮົມ ແຂວງຫົວພັນ

     ຕອນເຊົ້າວັນທີ 13 ຕຸລາ 2023 ໄດ້ຈັດກອງປະຊຸມໃຫ່ຍຄັ້ງທີ 1 ຂອງໜ່ວຍຊາວໜຸ່ມ ຄະນະກວດກາ-ໂຄສະນາອົບຮົມແຂວງຫົວພັນ ກອງປະຊຸມໄດ້ຈັດຂື້ນຫອ້ງປະຊຸມໃຫ່ຍຊັ້ນ 5 ຕືກສຳນັກງານອົງການປົກຄອງແຂວງ ພາຍໃຕ້ການເປັນປະທານ ສະຫາຍ ສຸດາວົງ ພົມມະທິບ ຄະນະໜ່ວຍຊາວໜຸ່ມ ໃຫ້ກຽດເຂົ້າຮ່ວມ ສະຫາຍ ພົມມາ ຮຸ່ງນະຄອນ ຄະນະປະຈຳ, ຄະນະບໍລິຫານງານຊາວໜຸ່ມແຂວງ, ສະຫາຍ ສຸກເສີມ ຢ່າງຈາງ ຮອງຫົວໜ້າຄະນະໂຄສະນາອົບຮົມແຂວງຫົວພັນ ແລະ ມີຜູ້ຕ່າງໜ້າຈາກອົງການຈັດຕັ້ງມະຫາຊົນ ແລະ ໜ່ວຍອົງການຈັດຕັ້ງພາຄີ ຕະຫຼອດຮອດສະມາຊິກພາຍໃນໜ່ວຍເຂົ້າຮ່ວມ ທັງໝົດ 23 ສະຫາຍ ຍິງ 10 ສະຫາຍ.

ອ່ານເພີ່ມເຕີມ...

29. ຄະນະໂຄສະນາອົບຮົມແຂວງຫົວພັນ ຈັດພິທີເຊຶ່ອມຊືມ ເອກະສານປະເມີນລັດຖະກອນ ແລະ ປະເມີນຜົນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023

ລາຍລະອຽດ

ສ້າງຂື້ນເມື່ອ ວັນພຸດ, 04 ຕຸລາ 2023 04:24

ຂຽນໂດຍ ອານຸສັກ

ຄະນະໂຄສະນາອົບຮົມແຂວງຫົວພັນ ຈັດພິທີເຊຶ່ອມຊືມ ເອກະສານປະເມີນລັດຖະກອນ ແລະ ປະເມີນຜົນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023

     ໃນຕອນເຊົ້າຂອງວັນທີ 4 ຕຸລາ 2023 ຄະນະໂຄສະນາອົບຮົມແຂວງຫົວພັນ ຈັດພິທີເຊື່ອມຊືມເອກະສານກ່ຽວກັບການປະເມີນລັດຖະກອນ ແລະ ການກໍ່ສ້າງໜ່ວຍພັກປອດໃສ, ເຂັ້ມແຂວງ, ໜັກແໜ້ນ, ພາຍໃຕ້ການເປັນປະທານຂອງ ສະຫາຍ ຕົ່ງລີ ເຕັ່ງ ກຳມະການພັກແຂວງ, ເລຂາໜ່ວຍພັກ, ຫົວໜ້າໂຄສະນາອົບຮົມແຂວງ ມີຮອງຫົວໜ້າ, ຫົວໜ້າຂະແໜງ, ຮອງຂະແໜງພອ້ມດວ້ຍ ພະນັກງານ-ສະມາຊີກພັກພາຍໃນຄະນະໂຄສະນາອົບຮົມແຂວງເຂົ້າຮ່ວມຢ່າງພ້ອມພຽງ.

ອ່ານເພີ່ມເຕີມ...

28. ຄະນະໂຄສະນາອົບຮົມແຂວງເປີດຮຽນສະໜັບສະໜູນໃຫ້ມະຫາຊົນກ້າວໜ້າເພື່ອຂະຫຍາຍເຂົ້າພັກປະຊາຊົນປະຕິວັດລາວ

ລາຍລະອຽດ

ສ້າງຂື້ນເມື່ອ ວັນຈັນ, 02 ຕຸລາ 2023 03:15

ຂຽນໂດຍ ອານຸສັກ

ຄະນະໂຄສະນາອົບຮົມແຂວງເປີດຮຽນສະໜັບສະໜູນໃຫ້ມະຫາຊົນກ້າວໜ້າເພື່ອຂະຫຍາຍເຂົ້າພັກປະຊາຊົນປະຕິວັດລາວ

     ໃນຕອນເຊົ້າ ວັນທີ 28 ຕຸລາ 2023 ທີ່ຜ່ານມານີ້ ຄະນະໂຄສະນາອົບຮົມແຂວງເປີດຮຽນສະໜັບສະໜູນໃຫ້ມະຫາຊົນກ້າວໜ້າເພື່ອຂະຫຍາຍເຂົ້າພັກ ເຊີ່ງໄດ້ຈັດຂຶ້ນຢູ່ທີ່ຫ້ອງປະຊຸມຊັ້ນ 4 ຕຶກສໍານັກງານອົງການປົກຄອງແຂວງຫົວພັນ ໃຫ້ກຽດເຂົ້າຮ່ວມ ແລະ ບັນຍາຍເອກະສານໂດຍ ສະຫາຍ ອົ້ມ ອິນທະລາ ຮອງຫົວໜ້າຄະນະໂຄສະນາອົບຮົມແຂວງ, ມີມະຫາຊົນຜູ້ທີ່ກ້າວໜ້າ ມາຈາກບັນດາຮາກຖານພັກ, ໜ່ວຍພັກ ອ້ອມຂ້າງແຂວງ ມີມະຫາຊົນກ້າວໜ້າເຂົ້າຮຽນທັງໝົດ 6 ສະຫາຍ, ຍິງ 2 ສະຫາຍ.

ອ່ານເພີ່ມເຕີມ...

27. ຄະນະໂຄສະນາອົບຮົມແຂວງ ໄດ້ລົງຕິດຕາມຊຸກຍູ້ວຽກງານຮອບດ້ານ ປະຈຳປີ 2023 ຢູ່ 8 ເມືອງຂອງແຂວງຫົວພັນ

ລາຍລະອຽດ

ສ້າງຂື້ນເມື່ອ ວັນຈັນ, 02 ຕຸລາ 2023 01:41

ຂຽນໂດຍ ອານຸສັກ

ຄະນະໂຄສະນາອົບຮົມແຂວງ ໄດ້ລົງຕິດຕາມຊຸກຍູ້ວຽກງານຮອບດ້ານຢູ່ 8 ເມືອງຂອງແຂວງຫົວພັນ

     ໃນລະຫວ່າງວັນທີ 19-22 ຕຸລາ 2023 ທີ່ຜ່ານມານີ້ ຄະນະໂຄສະນາອົບຮົມແຂວງ ໄດ້ລົງເຄື່ອນໄຫວເຮັດວຽກຢູ່ 8 ເມືອງຂອງແຂວງຫົວພັນຄື: ເມືອງຫົວເມືອງ, ເມືອງຮ້ຽມ, ເມືອງຊ່ອນ, ເມືອງແອດ, ເມືອງຊຽງຄໍ້, ເມືອງສົບເບົາ, ເມືອງຊຳເໜືອ ແລະ ເມືອງວຽງໄຊ ທີມງານຂອງແຂວງໄດ້ແບ່ງອອກເປັນ 3 ສາຍຄື: ທີມງານທີ່ 1 ນຳພາໂດຍ: ທ່ານ ຕົ່ງລີ ເຕັ່ງ ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ທີມງານທີ່ 2 ນຳພາໂດຍ: ທ່ານ ສຸກເສີມ ຢາງຈ່າງ ຮອງຄະນະໂຄສະນາອົບຮົມແຂວງ ແລະ ທີມງານທີ່ 3 ນຳພາໂດຍ: ທ່ານ ນາງ ຄອນສີ ອິນທະວີ ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍ ພະນັກງານ ວິຊາການຂອງຄະນະໂຄສະນາອົບຮົມແຂວງ ໃຫ້ກຽດຕ້ອນຮັບ ແລະ ຮ່ວມເຮັດວຽກໂດຍ ທ່ານ ຮອງເລຂາພັກເມືອງ ຜູ້ຊີ້ນຳວຽກງານແນວຄິດທິດສະດີຂັ້ນເມືອງ, ມີຫົວໜ້າໂຄສະນາອົບຮົມເມືອງ ແລະ ພະນັກງານ, ວິຊາການຂອງ ຄະນະໂຄສະນາອົບຮົມເມືອງ 8 ເມືອງ ເຂົ້າຮ່ວມຕ້ອນຮັບ.

     ຈຸດປະສົງຂອງການລົງເຮັດວຽກໃນຄັ້ງນີ້ເພື່ອເກັບກໍາສະພາບການຈັດຕັ້ງເຊື່ອມຊືມ, ຜັນຂະຫຍາຍມະຕິ V ສະໄໝທີ XI ຂອງສູນກາງພັກ, ມະຕິກາງສະໄໝຂອງອົງຄະນະພັກແຂວງຫົວພັນ, ກອງປະຊຸມວຽກງານການເມືອງ-ແນວຄິດທົ່ວປະເທດຄັ້ງທີ່ V, ມະຕິຂອງກົມການເມືອງ ສູນກາງພັກ ສະບັບເລກທີ່ 25/ກມສພ, ວ່າດ້ວຍການເພີ່ມທະວີການນໍາພາຂອງພັກຕໍ່ວຽກງານວັດທະນາທໍາໃນໄລຍະໃໝ່ ແລະ ການຈັດຕັ້ງປະຕິບັດ 2 ວາລະແຫ່ງຊາດແລະ ມະຕິ 206/ກມສພ, ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດໃນໄລຍະໃໝ່ໃຫ້ເຂົ້າສູ່ການຈັດຕັ້ງປະຕິບັດຕົວຈິງຢູ່ແຕ່ລະທ້ອງຖີ່ນຮາກຖານ. ເກັບກຳການສະຫຼຸບການເຄື່ອນໄຫວວຽກງານການເມືອງ-ແນວຄິດປະຈຳປີ 2023 ແລະ ທິດທາງແຜນການ 2024 ເພື່ອເປັນການປະກອບຂໍ້ມູນໃສ່ການກະກຽມກອງປະຊຸມ 3 ຂັ້ນໃຫ້ຖືກຕອ້ງສອດຄ່ອງກັບສະພາບຄວາມຈິງຂອງແຕ່ລະທ້ອງຖີ່ນພອ້ມທັງຕິດຕາມຊຸກຍູ້ການຈັດຕັ້ງປະຕິບັດວຽກງານໂຄສະນາອົບຮົມຮອບດ້ານຢູ່ແຕ່ລະເມືອງໂດຍສະເພາະແມ່ນ 4 ວຽກງານຫຼັກຂອງຄະນະໂຄສະນາຄື: ວຽກງານ ອົບຮົມ, ໂຄສະນາ, ສັງລວມ-ຂໍ້ມູນຂ່າວສານ ແລະ ວຽກງານບໍລິຫານ.

     ການລົງເຄື່ອນໄຫວເຮັດວຽກຄັ້ງນີ ກອ່ນອືນແມ່ນໄດ້ຮັບຟັງການລາຍງານສະພາບສັງລວມຂອງແຕ່ລະເມືອງ ແລະ ລາຍງານສະພາບການຈັດຕັ້ງເຊືອມຊືມຜັນຂະຫຍາຍບັນດາມະຕິຕ່າງໆຂັ້ນເມືອງຕາມແຜນຂັ້ນເມືອງຈາກບັນດາ ທ່ານຮອງເລຂາພັກເມືອງ ແຕ່ລະເມືອງ ແລະ ຮັບຟັງບົດລາຍງານສະພາບການຈັດຕັ້ງປະຕິບັດວຽກງານຮອບດ້ານຂອງຄະນະໂຄສະນາອົບຮົມເມືອງ ຈາກຫົວໜ້າຄະນະໂຄສະນາອົບຮົມຂອງບັນດາເມືອງ. ຈາກນັ້ນກໍ່ໄດ້ມີການແລກປຽນບົດຮຽນດ້ານວິຊາການຂັ້ນເມືອງ ແລະ ຂັ້ນແຂວງເພື່ອເຮັດໃຫ້ການຈັດຕັ້ງປະຕິບັດວຽກງານຂັ້ນແຂວງ ແລະ ເມືອງດີຂື້ນເພື່ອເປັນເສນາທິການໃຫ້ແກ່ຄະນະຂັ້ນຂອງຕົ້ນ.